Mh. Meya atoa Kongole kwa Waheshimiwa Madiwani wa Manispaa ya Bukoba

Posted on: February 11th, 2021

Mh.Godson Gypson (Meya)  amewapongeza Waheshimiwa Madiwani wa Manispaa ya Bukoba kwa kuanza vizuri kuisimamia Halmashauri yao.

Amesema kuwa ushirikiano huo mzuri walioanza nao utawawezesha kusimamia vizuri miradi ya maendeleo, amewataka waongeze juhudi  katika kusimamia miradi ya maendeleo lakini pia kujenga mahusiano mazuri na wataalamu.

Ameyasema hayo wakati wa Mkutano wa Baraza  Madiwani hao walipowasilisha taarifa za robo ya pili  kutoka kwenye Kata zao.

Amesema ameridhishwa na taarifa zilizotolewa na anaamini kuwa wataendelea kufanya hivyo ili kutekeleza ILANI YA CHAMA CHA MAPINDUZI.

Amewata kuendeleza ushirikiano uliopo kwa ushirikiano huo utaijenga Manispaa ya Bukoba,Aidha amewapongeza watumishi kwa kuendelea kusimamia vizuri miradi ambayo inakuwa imepata fedha kutoka Serikali Kuu.

Naye Mkurugenzi wa Manispaa ya Bukoba Ndugu Maurice Limbe amesema kuwa wamejipanga vizuri kutekeleza maagizo yanayotolewa na Serikali , Lakini pia wako tayari kushirikiana na Waheshimiwa Madiwani na wadau mbalimbali wa maendeleo , Amewapongeza Waheshimiwa Madiwani kwa kuchaguliwa kwa kura nyingi kwenye uchaguzi uliopita.